Rzim

Rzim (it., łac. Roma) – stolëca ë nôwikszi gard Italsczi.

Pòłożenié

Rzim je w westrzédnim dzélu kraju kòl rzéczi Tiber ë Strzódzemnégò Mòrza. To je administracjowi ë politiczny òstrzódk (sedzba prezydenta, minysterstwów ë ùrzãdów); stolëca ë przédny gard adminystracjowò-historicznégò Lacjum. Administracjowô rëmiô mô 1287 km² ë mieszkô tu 2 898 104 lëdzy. Miasto je czwiôrtim co do wiôlgòscë gardã w Eùropejsczi Ùnie. Rzim je wôżnym placã w kòmùnikacje fligrama (2 latawiska: Fiumicino i Ciampino), mô też metro (2 bieżënë, a trzecô je jesz w bùdacje). To je swiatowi òstrzódk dlô letników z baro bòkadnyma zaòstałoscama z dôwnëch lat ë strzédnowiekù (kòscołë, bazyliczi, Kòloseùm, akweduktë, fòntanë ë wiele jinszich bùdinków). Tu mòże nalezc wiele czekawich mùzéów ë też nowòmódné bùdinczi w òkòlim Nowiki. W greńcach Rzimù, na prawim brzégù Tibru, je miasto-państwò Watikan, jaczé je enklawą na państwòwim terenie Italsczi.