2019 год у гісторыі беларускага выяўленчага мастацтва

2019 год уключае шэраг падзей, якія пакінуць след у гісторыі беларускага выяўленчага мастацтва.

Падзеі

25 студзеня — 3 сакавіка – выстаўка «Жывапісныя мелодыі», прысвечаная 100-годдзю з дня нараджэння Р. Кудрэвіч і В. Жолтак^[1]^[2].
4 лютага – адкрыта мастацкая выстаўка «Сын сваёй Радзімы» ў сядзібе-музеі Тадэвуша Касцюшкі, Мерачоўшчына^[3].
25 студзеня — 17 сакавіка – выстаўка «Адкрыццё сапраўднага», аб выніках працы рэстаўратараў НММ Рэспублікі Беларусь^[4]
7 лютага — 3 сакавіка – выстаўка твораў народнага мастака Беларусі Г. Паплаўскага «І даўжэй за стагоддзе цягнецца дзень...», мастацкая галерэя Міхаіла Савіцкага, Мінск
19 лютага — 10 сакавіка – выстаўка твораў мастака Міколы Тарасікава, Мемарыяльны музей-майстэрня З. І. Азгура ў Мінску^[5].
27 сакавіка — 14 красавіка – мемарыяльная выстаўка жывапісу і графікі М. Назарчука ў мастацкай галерэі Міхаіла Савіцкага^[6].
май — у мінскім кафедральным касцёле Найсвяцейшага Імя Марыі ўсталявалі мемарыяльную дошку ў гонар Станiслава Манюшкi. Скульптар Валяр’ян Янушкевіч^[7].
6 чэрвеня — каля галоўнага офіса Белгазпрамбанка (Мінск, вул. Прытыцкага, 60/2) ўсталявалі скульптуру Восіпа Цадкіна «Носьбіт дароў» (іншыя назвы: «Пасланец», «Навігатар»)^[8].
31 ліпеня — 11 жніўня – выстаўка жывапісу і керамікі А. Концуба ў Рэспубліканскай мастацкай галерэі Беларускага саюза мастакоў, Палац мастацтва (Мінск)^[9].
22 жніўня — у гістарычным цэнтры Слоніма ўсталявалі помнік Льву Сапегу. Вышыня бронзавай статуі разам з гранітным пастаментам вышэй за 4 м. Аўтары помніка скульптары Іван Міско, Уладзімір Піпін і Сяргей Логвін^[10].
9 лістапада — у пасёлку Глуша ўсталявалі бюст пісьменніка Алеся Адамовіча^[11]. Аўтары бюста скульптары Гэнік Лойка і Яўген Білей.
13 — 22 лістапада у Рэспубліканскай мастацкай галерэі Беларускага саюза мастакоў, Палац мастацтва (Мінск) адбылася выстаўка «Праўда пра Курапаты» ^[12]^[13], а таксама выстаўка жывапісу і графікі «Залессе. Алесь Лось. Яўгенія Ліс»^[14] і выстаўка жывапісу Віктара Ціханава^[15].
28 лістапада — 12 снежня ў Рэспубліканскай мастацкай галерэі Беларускага саюза мастакоў, Палац мастацтва (Мінск) адбылася выстаўка майстра беларускага габелена Уладзіміра Лісавенкі^[16].
12 снежня — адкрыта выстаўка акварэльных твораў «Зямное і нябеснае»^[17] Уладзіміра Рынкевіча^[18] ў НММ Рэспублікі Беларусь. Працавала па 12 студзеня 2020.
17 снежня — адбыўся XXIII з'езд Беларускага саюза мастакоў, старшынёй саюза абараны Глеб Отчык^[19].
27 снежня — у Паставах, на вуліце Савецкай, адкрылі помнік Антонію Тызенгаўзу (1733 - 1785). Скульптар А. Фінскі^[20].