Васіль Іванавіч Гапоненка

Васіль Іванавіч Гапоненка
Дата нараджэння	13 красавіка 1928(1928-04-13)
Месца нараджэння	Сабалі, Буркоўскі сельсавет, Брагінскі раён, Гомельская акруга, Беларуская ССР, СССР
Дата смерці	18 жніўня 2019(2019-08-18) (91 год)
Грамадзянства	Беларусь
Навуковая сфера	фізіялогія, біяхімія і радыебіялогія
Месца працы	Беларуская дзяржаўная сельскагаспадарчая акадэмія Інстытут біяфізікі і клетачнай інжынерыі НАН Беларусі Інстытут радыебіялогіі НАН Беларусі
Навуковая ступень	доктар біялагічных навук
Альма-матар	БДУ
Узнагароды

Васіль Іванавіч Гапоненка (13 красавіка 1928, Сабалі, Брагінскі раён, Гомельская вобласць — 18 жніўня 2019) — беларускі вучоны ў галіне фізіялогіі, біяхіміі і радыебіялогіі раслін, акадэмік Міжнароднай акадэміі арганізацыйных і кіраўніцкіх навук. Доктар біялагічных навук (1985).

Скончыў Беларускі дзяржаўны ўніверсітэт (1952; аспірантура, 1955). Навуковыя інтарэсы: фотасінтэз; абнаўленне хларафілу; радыебіялогія раслін; асаблівасці назапашвання раслінамі агра- і фітацэнозаў радыенуклідаў чарнобыльскага выкіду, іх размеркавання паміж рознымі органамі і дзеянні іянізавальнага выпраменьвання на функцыянальны стан раслін і іх прадукцыйную дзейнасць; прынцыпы аптымальнага землекарыстання ў раёнах радыеактыўнага забруджвання.

Працаваў у Беларускай сельскагаспадарчай акадэміі ў Горках (з 1955, асістэнт кафедры фізіялогіі раслін і мікрабіялогіі); Інстытуце фотабіялогіі (з 1957; у 1966—1988 — загадчык лабараторыі ізатопных метадаў даследавання); Інстытуце радыебіялогіі (з 1988; у 1988—1995 — загадчык лабараторыі).

• Ганаровая грамата Вярхоўнага Савета БССР і інш.

• Беларуская энцыклапедыя : у 18 т. — Мінск, 1997. — Т. 5. — С.37