Monte Unzen
El monte Unzen ye un volcán xaponés allugáu na islla de Kyushu, a unos cuarenta quilómetros al este de Nagasaki. El monte Unzen ye anguaño un volcán inactivu que la so última erupción asocedió en 1996. En xunu de 1991, tres doscientos años inactivu, entró n'erupción. Repitíos colapsos del so domo xeneraron destructivos fluxos de ceniza que barrieron la so rimada a velocidaes d'hasta doscientos quilómetros per hora. Otra nueva erupción del 1 d'abril o'l 21 de mayu de 1792 mató a más de 15.000 persones, siendo esi'l mayor desastre asocedíu en Xapón por causa de un volcán. Más apocayá, el volcán tuvo activu ente 1990 y 1995. Una gran erupción en 1991 anició un gran fluxu piroclástico que mató a cuarenta y cuatro persones, incluyendo trés vulcanólogos: Harry Glicken y el matrimoniu formáu por Katia y Maurice Krafft. Los picos más altos del monte son el Fugendake (普賢岳), de 1.359 metros y el Heisei Shinzan (平成新山), de 1.486 metros. El postreru remaneció mientres les grandes erupciones producíes al entamu de la yera Heisei, l'actual en Xapón. Ver tamién
ReferenciesEnllaces esternos
|
||||||||||||||||||||||||||||||||||||||||||||
