Islla Rábida
La islla Rábida (tamién conocida antes como Isla Jervis) ye una islla ecuatoriana que forma parte del archipiélagu de les islles Galápagos, nel océanu Pacíficu. Ta allugada al sur de la islla Santiago, al nordeste de la islla Isabela, y al noroeste de la islla Santa Cruz, a unos 965 km de la mariña firme d'Ecuador. Lleva'l nome del Conventu de La Rábida, onde Cristóbal Colón dexó al so fíu mientres el so viaxe de conquista a América. El nome anterior n'inglés yera por un almirante británicu del sieglu xviii de nome John Jervis. Tien una superficie de 4,9 km² y una altitú máxima de 367 metros. L'altu conteníu de fierro de la lava de Rábida causa que la islla tenga un carauterísticu color acoloratáu. Dacuando pueden reparase flamencos nuna llaguna d'agua salao cerca de la sablera, onde pelícanos y piqueros constrúin los sos niales. Rexistráronse nueve especies de pinzones nesta islla.[1] En 1971, el Serviciu de Parques Nacionales d'Ecuador llogró erradicar les cabres de la islla Rábida. Esta especie alterió la redolada natural y llevó a la estinción de delles criatures natives, incluyendo gecos, iguanes terrestres y los aguarones d'arroz. Rábida ye una de les islles de más variada actividá volcánica nel archipiélagu.  Caltenimientu y restauración Mientres xineru de 2011, el Parque Nacional Galápagos, asistíos por Island Conservation esaniciaron a los royedores invasores de la islla p'asina beneficiar a los pingüinos de Galápagos y Scalesia stewartii (un árbol que forma margarites y ye l'equivalente vexetal d'unu de los pinzones de Darwin).[2] Ver tamiénReferencies
Enllaces esternos
|
||||||||||||||||||||||||||||||||||
