Islla Necker
 La islla Necker (en Ḥawáianu Mokumanamana) ye una de les islles de Sotaventu de Ḥawái que ta asitiada a 240 km al oeste de Nihoa. Necker ye una islla de roca volcánica arrodiada de petones, con forma d'anzuelu. La superficie total ye de 0,18 km² y l'altitú máxima ye de 84 metros nel Summit Hill.[1] [2] Atopáronse numberosos restos arqueolóxicos, destacando 33 plataformes ceremoniales (heiau) y unes figures de piedra d'un estilu rellacionáu coles islles Marqueses. Los antropólogos especulen qu'estes imaxes pueden ser una amuesa de la cultura Ḥawáiana orixinal, de pocu dempués de la llegada migratoria polinesia dende Tahití nos sieglos XII o XIII. Cuando llegaron el francés Jean-François de La Pérouse en 1786, la islla diba tiempu que taba despoblada. Bautizáronla en honor del ministru de Finances, Jacques Necker, y describiéronla como «una roca desnuda cubierta d'escrementos d'aves». El nome Ḥawáianu Mokumanumanu, que significa 'islla de munches aves', ye un nome que-y punxieronnel sieglu XX. [3] L'accesu a la islla Necker realízase en barcu, lo cual resulta abondo difícil por cuenta de la so mariña casi vertical.[14] El fuerte aguaxe suel torgar el desembarco na mariña de la badea Shark, pero esiste un pequenu resguardu al oeste del cabu Noroeste, y el desembarco en plataformes predreses ye posible con tiempu moderadamente tranquil, pero puede ser peligrosu con aguaxe fuerte. Les visites a la islla Necker permítense solo con fines científicos, educativos y culturales, y riquen l'aprobación del Serviciu de Pesca y Vida Montesa de los Estaos Xuníos, que da preferencia a les visites científiques y culturales. ReferenciesEnllaces esternos
|
||||||||||||||||||||||||||||||||||||||||||||
