Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Fraxinus excelsior}} ~~~~
El fresnu[1] (Fraxinus excelsior) ye una especie perteneciente a la familia de les oleacees. Ye un árbol nativu de la mayor parte d'Europa; dende la península ibérica, principalmente'l norte, hasta Rusia.
Hábitat
El so hábitat natural más septentrional atópase en Trondheim, Noruega, y el meridional, nel norte de Grecia. El fresnu alcuéntrase xeneralmente a plenu sol o en mediu la solombra, adáutase con facilidá al tarrén, incluso si ye frescu y escuru, soporta bien los llugares húmedos y con mal drenaxe. La Multiplicación realízase cola semiella y el tresplante de les plantes de 2-4 años.
Descripción
Árbore altu, que algama hasta los 40 m. y un diámetru de tueru de 1 m. El tueru ye llisu y grisáu que se taya cola edá.
Tien fueyes opuestes, compuestes d'ente 7 y 15 foliolos dentaos, color verde escuru. Pequeñas flores de color arroxáo, los sexos tan separtaos, pero dacuando apaecen hermafrodites. Floréz ente abril y mayu, nel hemisferiu norte.
Ye de madera abondo duro, elástico, de color blancu nacaráu y apreciada na confecha de muebles.
Propiedaes medicinales
Los frutos, les fueyes, los raigaños y la corteza del fresnu tienen propiedaes llixeramente laxantes, diurétiques y antiinflamatories.
De la savia que xurde de las firidas del tueru de dalgunes especies como'l Fraxinus excelsior, produzse una sustancia llaxante y edulcorante, emplegada nos alimentos pa neños y diabéticos.
