Frank Stack

Frank Stack
Vida
Nacimientu	Houston, 31 d'ochobre de 1937[1] (87 años)
Nacionalidá	Estaos Xuníos
Estudios
Estudios	Universidá de Texas n'Austin
Llingües falaes	inglés[2]
Oficiu
Oficiu	historietista, pintor
Emplegadores	Universidá de Missouri Institutu Politéunicu y Universidá Estatal de Virxinia
Premios	ver Premiu Inktop  (2011) [3] Will Eisner Hall of Fame  (2025) [4]
IMDb	nm3400177

Frank Stack (31 d'ochobre de 1937, Houston) ye un dibuxante de cómic underground d'Estaos Xuníos. Trabayando sol nomatu de Foolbert Sturgeon pa evitar la persecución poles sos historietes, Stack asoleyó el que ye consideráu por munchos como'l primer cómic underground, The Adventures of Jesus, en 1962.

Tamién ye profesor d'arte na Universidá de Missouri, y enseñó nel Appalachian State y Virginia Tech. Arriendes d'asoleyar dellos artículos en The Comics Journal, fizo los cómics Zero Zero, Blab!, Snarf y Rip Off Comix.

Frank Stack visitó Asturies en dos ocasiones invitáu pol Salón Internacional del Cómic del Principáu d'Asturies que se celebra en Xixón, participando en coloquios col públicu. Na primer ocasión, nel añu 2001, fizo un recorríu pola historia del cómic clásicu americanu. Na edición del añu 2006 participó tamién nuna mesa redonda con otros dos autories d'Estaos Xuníos, Gillbert Shelton y Peter Bagge, na que debatieron sobre'l cómic underground.

• The Adventures of Jesus (1962)
• The New Adventures of Jesus (1969)
• Jesus Meets the Armed Services (1970)
• Jesus Comics #3 featuring Jesus Joins the Academic Community (1972)
• Feelgood Funnies (1972)
• Dorman's Doggie (1990)
• Naked Glory - the Erotic Art of Frank Stack
• Our Cancer Year escritu por Harvey Pekar (1994)
• The New Adventures of Jesus - The Second Coming (2007) Recopilación y comentarios

• Wikimedia Commons tien conteníu multimedia tocante a Frank Stack.