Fi VelorumCoordenaes: Fi Velorum (φ Velorum / HD 86449 / HR 4023)[8] ye una estrella na constelación de Vela de magnitú aparente +3,52. Tien el nome tradicional de Tseen Ke, 天纪, en chinu mandarín «mapa de les estrelles». Ta asitiada namái 0,1º al norte del ecuador de la Vía Lláctea.[9] Fi Velorum ye superxigante azul de tipu espectral B5Ib. La so temperatura superficial ye de 13.600 K y relluma con una lluminosidá —incluyendo una parte importante de la so enerxía emitida como lluz ultravioleta— 18.200 vegaes superior a la del Sol. Con un diámetru 24 vegaes más grande que'l del Sol, la so velocidá de rotación ye de 33 km/s, lo que supón un periodu de rotación menor de 37 díes. Tien una masa 10 vegaes mayor que la solar, lo que la asitia xusto na llende ente les estrelles bien masives que rematen la so vida españando como supernoves y aquelles que conclúin los sos díes como nanes blanques. Hai aproximao 20 millones d'años nació como una estrella azul de la secuencia principal de tipu B0.5-B1 pero anguaño, una vegada escosáu'l so hidróxenu internu, s'espandió y esfreció. Nel futuru, conforme se vaya esfreciendo va aumentar entá más de tamañu hasta algamar un radiu 500 vegaes mayor que'l radiu solar.[9] Una posible acompañante visualmente a 39 segundos d'arcu, CPD-53 3075B,[10] paez nun tar físicamente rellacionada con Fi Velorum.[9] Referencies
Coordenaes:
|
