Emilio Marcos Vallaure

Emilio Marcos Vallaure
Vida
Nacimientu	1941 (83/84 años)
Nacionalidá	España
Estudios
Llingües falaes	castellanu
Oficiu
Oficiu	políticu
Miembru de	Real Academia de la Historia

Emilio Marcos Vallaure (1941) ye un investigador y políticu autonómicu asturianu. Conseyeru de Cultura y Deporte del Principáu d'Asturies, Direutor del Muséu de Belles Artes d'Asturies, Direutor Xeneral del Patrimoniu Artísticu de la Conseyería de Cultura y Deportes del Conseyu Rexonal d'Asturies (1979-1980) y miembru de la Comisión Provincial del Patrimoniu Históricu-Artísticu d'Asturies (1980-1982). Coles mesmes, desenvolvió una amplia xera nes coleiciones d'arte asturiano de la Editorial Everest (ente 1966 y 1976).^[1]

Ye miembru correspondiente n'España de la Real Academia de la Historia dende 1993^[2] y de la Real Academia de Belles Artes de la Purísima Concepción dende 2008.^[3]

Nacíu en Cayés, perteneciente al conceyu asturianu de Llanera.

Marcos Vallaure llicencióse en Derechu pola Universidá d'Uviéu en 1963, y cursó estudios de Filosofía y Lletres, seición d'Historia y de Filoloxía na mesma Universidá. Dende 1962 xestionó la secretaría del “Tabularium Artis Asturiensis”, institución privada dedicada al estudiu del Arte y Arqueoloxía asturianes.

Mientres la so función directiva nel Muséu de Belles Artes d'Asturies a lo llargo de más de trenta años, promovió cerca de 300 esposiciones, collaborando nos testos de los sos catálogos y publicaciones xunto con otros autores.^[4]

Académicu de tres instituciones, la Real Academia de la Historia, de Madrid, l'Academia de Belles Artes de Valladolid y la Real Academia Catalana de Belles Artes, xubilar del so puestu de conservador nel Muséu de Belles Artes d'Asturies nel branu de 2012.^[5] Esta consideráu como un especialista en cultura asturiana.^[6]

• Notes pal estudiu del arte en Lleón, con José Javier Rivera Blanco, Fernando Llamazares Rodríguez, María Cristina Rodicio Rodríguez; Tierres de Lleón: Revista de la Diputación Provincial, ISSN 0495-5773, Vol. 15, númberos 22 y 23, 1975, páxs. 13-38 y páxs. 13-42;
• Notes pal estudiu del arte en Lleón (III), con Fernando Llamazares Rodríguez, José Javier Rivera Blanco y María Cristina Rodicio Rodríguez; Tierres de Lleón: Revista de la Diputación Provincial, ISSN 0495-5773, Vol. 17, Nᵘ26, 1977, páxs. 31-38;
• Descripción de dellos mármoles, minerales y otres diverses producciones del Principáu d'Asturies y la so redoma, con Joaquín José Queipo de Llano y Valdés Toreno, Uviéu, Biblioteca Popular Asturiana, 1978. ISBN 84-600-1247-6

(Pa un catálogu más exahustivo pueden consultase los enllaces referenciaos o'l tag d'actividá nel sitiu de Dialnet.)