Boyce vivió nel área de Los Angeles cola so madre, el so padre y la so hermana menor. Gustaba-y baillar breakdance.[4] y xunto con cuatro de los sos amigos ye miembru del grupu de breakdancing "X Mob".[4] El so padre ye afroamericanu y la so madre ye xudía.[5] La so güela paterna, Jo Ann (Allen) Boyce, foi una de les dolce Clinton, los primeros afroamericanos a asistir a una escuela secundaria integrada nel sur, en 1956, según lo ordenao tres el casu Brown v. Board of Education.[6]
Carrera
Boyce empezó la so carrera como modelu a los siete años d'edá, apaeciendo nel catálogu de Disney Store, y darréu n'anuncios pa revistes de Garnet Hill, Wilsons Leather, Jakks Pacific, Nestlé y K-Mart.[3] Tamién entrenó en dellos estilos de danza, incluyendo breaking, hip-hop, jazz, modernu, tap y balé.[3]
En xunetu de 2008, Boyce fixo'l so debú en televisión con un papel recurrente como Michael 'Stone' Cates Jr. na serie General Hospital: Night Shift.[9] N'agostu de 2008 fixo'l so debú nel cine con un papel co-protagonista na película de terror Mirrors, y tamién apaeció na película de misteriu y suspensu Eagle Eye.[10][11] En xunu de 2010, Boyce co-protagonizó como Keith Feder, el fíu mimáu d'Adam Sandler na comedia Grown Ups, y apaeció más tarde esi mesmu añu faciendo gala de la so maña nel baille na serie web The Legion of Extraordinary Dancers.[12][13]
N'abril de 2011, Boyce tuvo una apaición como convidáu na serie orixinal de Disney ChannelGood Luck Charlie y esi mesmu mes foi unu de los baillarinos qu'apaecieron nun homenaxe a Royal Wedding, de la cadena ABC Dancing with the Stars.[3] En xunu d'esi añu tuvo un pequeñu papel como unu de los compañeros de Judy na comedia Judy Moody and the Not Bummer Summer y n'agostu, foi unu de los baillarinos na serie orixinal de Disney ChannelShake It Up, xunto a l'actriz y cantante Zendaya.[3][14]
En setiembre de 2011, Boyce llogró un papel co-protagonista na serie orixinal de Disney ChannelJessie, como'l fíu traviesu de 12 años d'edá, llamáu Luke Ross.[15] Mientres la pre-producción del espectáculu, el papel de Luke foi pensáu orixinalmente pa ser un mozu llamáu Hiro, adoptáu dende Corea, pero los direutores de casting quedaron impresionaos con Boyce mientres el procesu d'audición, y, finalmente, decidieron recrear el papel específicamente pa él.[16][17]
En 2013 Cameron co-protagonizó per segunda vegada a Keith Feder en Grown Ups 2.
Más tarde, en 2015, ye llamáu pa interpretar a Carlos de Vil, fíu de Cruella de Vil, na película orixinal de Disney Descendants y nel 2017 interpreta nuevamente esti papel na película Descendants 2.
"Set It Off": «[0=ts_chart_artistname%3ADove%20cameron&f[1]=itm_field_chart_id%3A344&f[2]=ss_bb_type%3Achart_item&type=2&artist=Dove%20cameron Cameron Boyce - Chart history (Bubbling Under Hot 100 Singles)]». Billboard. Consultáu'l 19 d'avientu de 2015.
