Cabu Peñes

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Cabu Peñes}} ~~~~

Cabu Peñes
Situación
País	España
Autonomía	Principáu d'Asturies
Provincia	provincia d'Asturies
Conceyu	Gozón
Parroquia	Viodo
Tipu	cabu
Asitiáu en	mar Cantábricu
Coordenaes	43°39′02″N 5°51′00″W / 43.650485°N 5.849934°O / 43.650485; -5.849934
Cabu Peñes Cabu Peñes (Asturies)
Datos

Allugáu al norte del conceyu de Gozón, el cabu Peñes ye'l cabu más septentrional d'Asturies. Coronando'l cabu, alcuéntrase'l Faru de Peñes, de gran importancia histórico-cultural.

Les sos muries de cuarcita armoricano allevántense 100 metros per enriba de les agües del Cantábricu. Dende'l so altor pueden vese castros y islles como la Erbosa, la segunda en tamañu d'Asturies.

El perfil triangular d'esti cabu caracterízase por presentar discretes ensenaes, pequeñes viesques atlántiques, amplios pradiales, valles suaves y faces destinaes a la plantación de maíz o ocalitos per onde viven especies animales como la llebre europea, la garduña o'l raposu ente los mamíferos, y la maeva y el paíñu ente les aves.

Foi declaráu Paisaxe Protexíu en 1995 pol Decretu 80/1995, entrando a formar parte de la Rede Rexonal d'Espacios Naturales Protexíos (RRENP). Dientro d'estos 19,2 km² desarróllase una vexetación halófilo, magar que l'elementu vexetal de mayor importancia son les comunidaes d'acuátiques y turfófiles.

• Wikimedia Commons tien conteníu multimedia tocante a Cabu Peñes.