Los artiodáctilos (Artiodactyla) son un orde de mamíferosplacentarios qu'axunta a los cetáceos (Cetacea) y los artiodáctilos ungulaos. Los cetáceos son los delfines, ballenes y asemeyaes. Los artiodáctilos ungualaos identificase colos animales de pezuña fendida, como los camellos, les vaques y venaos, o los gochos ya hipopótamos.
Filoxenia
Mientres enforma tiempu, la hipótesis dominante sobro l'orixe de los cetáceos asitiase nos mesoniquios (Mesonychia), un orde estinguíu d'ungulaos carnívoros estrechamente emparentaos colos artiodáctilos.
Fósiles recién atopaos en Paquistán y asignaos a los xéneros Pakicetus y Ambulocetus, vinieron confirmar que los cetáceos evolucionaron a partir d'artiodáctilos, cuando éstos yá s'estremaren de los sos antepasaos mesoniquios. Les primeres pistes sobro esta rellación surdieron escontra 1990, pola comparanza de molécules y xenes ente mamíferos actuales. Les pruebes d'un parentescu específicu colos hipopótamos, que son artiodáctilos, son concluyentes. Sía que non los hipopótamos ufierten una imaxe averada de como tuvieron de ser les primeres formes de los cetáceos. El cladograma siguiente amuesa estes supuestes rellaciones:[2]
