Aeródromu Teniente Rodolfo Marsh Martin
L'Aeródromu Teniente Rodolfo Marsh Martin (IATA: TNM, OACI: SCRM) perteneciente a Chile ye'l más septentrional de los aeródromos de L'Antártida. Tópase allugada na península Fildes de la islla Rey Jorge nes Shetland del Sur. Sirve a la Base Presidente Eduardo Frei Montalva, qu'inclúi'l nucleu poblacional de Villa Las Estrellas, pero tamién a otres bases asitiaes na islla y na rexón cercana.[1] L'aeródromu foi inauguráu'l 12 de febreru de 1980 col aterrizaxe de dos aviones Twin Otter procedentes de Punta Arenas.[2] El nome recuerda a Rodolfo Marsh Martin (1908-1937), quien entamó en 1935 xunto al capitán Carlos Abel la Llinia Aérea Esperimental a Magallanes, y morrió nun accidente aereu.[3] La base aérea foi inaugurada'l 17 de marzu de 1980. L'aeródromu tien cinco pequeños edificios, incluyendo un hangar y la torre de control, y una área pequeña p'aparcamientu y allistamientu de los aviones. Trátase d'un aeródromu de calter públicu.[4] El 25 de febreru de 1992 un avión CASA 235M-100 del Exércitu de Chile con 11 persones a bordu estrellóse nel aeródromu. Nun hubo muertos nin mancaos, pero l'avión quedó inutilizable.[5] L'Aeródromu Marsh Martin ye unu de los trés de L'Antártida que tien pista de grava, los otros dos son Marambio (d'Arxentina) y Rothera (del Reinu Xuníu). Esti aeródromu foi consideráu nel añu 2011 como unu de los aeródromos más difíciles p'aterrizar en Chile.[6] Ver tamiénEnllaces esternos
Referencies
|
||||||||||||||||||||||||||||||||||||||
