Lockheed U-2, embotau "Dragon Lady", ye un avión de reconoixencia estausunidense de gran altitut operau por a Fuerza Aeria d'os Estaus Unius (USAF) y anteriorment pilotau por l'Achencia Central d'Intelichencia (CIA). Proporciona recopilación d'intelichencia pa tot tipo de clima, día y nueit, a gran altitut (21.300 metros).[1]
Historia
Lockheed Corporation lo proposó orichinalment en 1953, estió aprebau en 1954 y o suyo primer vuelo de preba estió en 1955. Entre a Guerra Fría, estió volau sobre a Unión Sovietica, China, Vietnam y Cuba. En 1960, Gary Powers estió espaldau en un U- 2A d'a CIA sobre a Unión Sovietica por un misil tierra-aire (SAM). O mayor Rudolf Anderson Jr. estió espaldau en un U-2 entre a Crisi d'os Misils en Cuba en 1962. Os U-2 han participau en conflictos posteriors a la Guerra Fría en Afganistán y Irak y han emparau cuantas operacions multinacionals d'a OTAN. L'U-2 tamién s'ha utilizau pa la investigación de sensors electronicos, calibración de satelites, investigación cientifica y comunicacions. L'U-2 ye un d'os pocos tipos d'avions que han serviu a la USAF entre mas de 50 anyadas, de conchunta con o Boeing B-52, o Boeing KC-135 y o Lockheed C-130. Os modelos mas nuevos (TR-1, U-2R, U-2S) dentroron en servicio en o decenio de 1980, y o zaguer modelo, l ' U-2S, tenió una actualización tecnica en 2012.
Referencias
- ↑ (en) Donald, David, ed. "Lockheed U-2". The Complete Encyclopedia of World Aircraft. New York: Barnes & Noble Books, 1997. ISBN 0-7607-0592-5.
