Libro

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un libro^[1] (d'o latín < liber)^[2]^[3]^{[nota 1]} ye un treballo impreso u manuscrito no periodico que conta con una serie de fuellas de papel, pergamín, vitela u belatro material, cusita u encuadernata an s'arrocla en un volumen. Seguntes a definición d'a UNESCO ha de tener 49 pachinas u mes, sin de contar as cobiertas. Un libro puet tractar sobre a-saber-los temas. Un libro ye tamién cada una d'as partis d'a obra y os codigos y leis d'una gran amplaria.

Un libro ye una colección d'un u mes treballos escritos, a ormino impresos en papel y cobierto con tapas ta protecher-lo y organizar o material impreso.

Hue lo día, sin de dandalo, ista definición no ye cercunscrita a lo mundo impreso u d'os tarabidatos fisicos dada l'aparición y puyada d'os nuevos formatos documentals y especialment d'a World Wide Web. O libro dichital conoixito como e-book ye irrompindo con fuerza cada vegada mes en o mundo d'o libro y en a practica profesional bibliotecaria y documental. A mes o libro tamién puet trobar-se en formato d'audio, y alavez se li clama audiolibro