Teeleend

Teeleend
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Anseriformes
Familie:	Anatidae
Genus:	Anas
Spesie:	A. capensis
Binomiale naam
Anas capensis Gmelin, 1789

Die teeleend (Anas capensis) is 'n algemene standvoël in Suidelike Afrika.

Grootte: 44–48 cm. Hierdie eend is die vaalste eend wat in Suid-Afrika voorkom. Die teeleend is hoofsaaklik grys met 'n bruin rug en pienk op die snawel. Die eend het 'n gespikkelde kop. Jong voëls besit nie die rooskleurige kleur op die snawel nie.

Die habitat is oop areas van vars- sowel as soutwater. Hulle verkies vlak water en kom in klein swerms voor.

Voedsel bestaan uit waterplante sowel as klein ongewerwelde gediertes.

Die nes is altyd op die grond, naby die water en uitgevoer met dons.

Die teeleend kom in die meeste dele van Suidelike Afrika voor, maar hoofsaaklik in die droë weste van die streek. Veral Wes-Kaapland.

Die mannetjie-eend uiter 'n duidelike fluit, maar die wyfie-eend 'n sagte kwêk.

• Engelse naam: Cape Teal
• Wetenskaplike naam: Anas capensis

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

• KENNIS,  vol 14, 1980, bl. 2898-2899,  ISBN 0 7981 0836 3